عن احمد

اول مرة دخلت فيها صالة الحديد هي لما كان عمري حوالي ١٦ سنة. قبلها، كان كل اللي كنت أهتم فيه هو لعب كرة القدم. لكن اول مرة جربت فيها شعور التمرين، كان شيء جميل. شعور انك عندك القوة و القدرة انك تغير جسمك و صحتك للافضل، و كيف حسيت و كان شعوري وقتها كان شي ما ينوصف، و على طول صرت من محبين الرياضة و التمرين

لكن مع مرور الوقت، كنت دايماً الاحظ اني استمتع لما ارفع اوزان اعلى و دايماً احاول اني ارفع اوزان اثقل و اثقل... بعدين في يوم من الايام بالصدفة، اتعرفت على رياضة الباورلفتنق و قريت عنها و جذبتني الرياضة بشكل كبير، فا بدأت فيها و انا عمري ١٩ سنة و حبيت الرياضة بشكل ما تتخيلوه

عشان كذا من وقتها و انا دايماً احط هدف لنفسي اني اصير اقوى و اقوى. و انافس نفسي و احاول اكون افضل و اقوى نسخة من نفسي 

فا صرت احاول اقرأ و اتعلم في مجال الرياضة بشكل عام و لاحظت انو شغفي لها كان كبير، و حبي للرياضة كان قاعد يزيد يومياً. فا اكتسبت خبرة كبيرة بسبب اني كنت امارس الرياضة و انا مستمتع فا كنت دايماً احاول اتعلم اكثر من كل مكان و كل شخص، و احاول اعرف ايش الصح و ايش الغلط. و الى الان انا قاعد اتعلم و ما راح اوقف اتعلم لان العلم شي جميل، خصوصاً في مجال انت تحبه و تستمتع فيه

طيب ليش قررت ابداً التدريب ؟ 

لاحظت ان عالم التدريب مليان مدربين، لكن مستوى التدريب مهو بالشكل المطلوب. يعني ناس كثير صار عندها انطباع سيء عن التدريب بسبب تجاربهم السابقة. من مدربين يختاروا لهم تمارين غلط، يعطوهم برامج غذائية سيئة... فا ناس كثير صار عندها انطباع عن التدريب انه مضيعة وقت و مضيعة فلوس 

لكن هذا مو التدريب الحقيقي ! التدريب الحقيقي هو ان المدرب يخلق افضل بيئة و فرصة لمتدربه عشان يوصل لاهدافه و يوصل لافضل صحة ممكنة. التدريب الحقيقي هو ان المدرب يكون موجود وقت ما يحتاجه المتدرب التدريب الحقيقي اكثر من كذا بكثير

يعني هل انا قاعد اقول اني راح اكون افضل مدرب في العالم ؟

لا

كل اللي قاعد اقوله اني راح اساعدك بكل اللي اقدر عليه و راح احاول اكون افضل مدرب بالنسبة لك